Arsenali dhe Chelsea do të luajnë mes vete sot (e diel) derbin londinez në Emirates duke filluar nga ora 15:00.
Kur kanë mbetur rreth një orë deri te fillimi i takimit mes dy rivalëve të mëdhenj lokal, trajnerët Mikel Arteta dhe Frank Lampard kanë publikuar formacionet zyrtare.
Befasia më e madhe e këtyre formacioneve ishte mungesa e yllit shqiptar, Granit Xhaka, i cili është përfolur shumë rreth një largimi në janar.
Megjithatë, Arsenali ka sqaruar arsyen e mungesës së Xhakës me anë të një postimi në profilin e tyre zyrtar në Twitter.
“Granit Xhaka humbet lojën e sotme për shkak të sëmundjes”, shkruan në postimin e Arsenalit, pa sqaruar totalisht se nga çfarë vuan djaloshi nga Kosova.
Ndryshe, Xhaka gjatë ditëve të fundit është përfolur për një transferim në Bundesliga te klubi Hertha Berlin. /Telegrafi/
🗞 Granit Xhaka misses today's game due to illness#ARSCHE pic.twitter.com/1kGmv2stLe
— Arsenal (@Arsenal) December 29, 2019