Arbër Zeneli është mysafiri i radhës në intervistat live që mediumi ynë po i zhvillon në Instagram.
Shënuesi i shtatë golave me Përfaqësuesen e Kosovës do të jetë live në faqen zyrtare të Telegrafi Sport në Instagram me fillim nga ora 18:00.
Zeneli fillimisht do të intervistohet nga gazetari Romak Zeqiri, ndërsa pastaj ai do t’i përgjigjet edhe disa pyetje nga shikuesit e kësaj interviste.
25-vjeçari do të flas për golat e tij me Kosovën, karrierën në aspekt të klubeve si dhe rikthimin nga lëndimi i rëndë që e pësoi vitin e kaluar.
Redaksia e sportit në Telegrafi ka marrë këtë iniciativë me intervista live vetëm që të ju argëtoj në këto momente të rënda që po kalon e gjithë bota pas pandemisë Covid-19.
Anëtari i skuadrës franceze Reims, Arbër Zeneli është mysafiri i katërt, teksa më parë u intervistuan në të njëjtën mënyrë edhe Herolind Shala, Kastriot Imeri dhe sulmuesi Albert Bunjaku.