Ndërkohë që është në përgatitje të projektit të ri muzikor, Ana Kabashi i ka mbajtur të informuar fansat e saj për këngën e re.
“Ma shumë” do ta mbajë titullin realizimi i ri muzikor i këngëtares që pritet të shoqërohet edhe nga ana vizuale.
Në një publikim të ri në Instagram, Ana ka bërë të ditur se kënga e re është pranë përfundimit dhe do të vijë së shpejti e kompletuar.
“Mezi po pres ta ndaj me ju këtë projekt, zemra ime e re “Ma shumë” është thuajse gati”, ka shkruar ajo në përshkrim.
Postimin e ka shoqëruar edhe një fotografi që besohet të jetë pjesë e videos muzikore, ndërsa si përherë, këngëtarja vjen në formë të përsosur.
Ana e ka publikuar edhe një fragment të këngës në InstaStory, ndërkohë që shkonte për t’u stërvitur në palestër. /Telegrafi/