Diplomati më i lartë i Uashingtonit, Antony Blinken, ka mbërritur në Turqi teksa SHBA-ja kërkon të qetësojë tensionet në Lindjen e Mesme.
Sipas mediave të huaja, përcjel Telegrafi, Sekretari amerikan i Shtetit mbërriti në Stamboll të premten mbrëma, për udhëtimin e tij të katërt në rajon që nga fillimi i luftës.
Ai do të vizitojë Izraelin, Bregun Perëndimor të pushtuar, Katarin, Jordaninë, Egjiptin, Arabinë Saudite dhe Emiratet e Bashkuara Arabe.
Në një postim në X, përpara turneut, ai tha se po udhëtonte për “t’u përfshirë në një diplomaci shtesë mbi situatën në Gaza”.
Diplomati i lartë evropian Josep Borrell do të udhëtojë gjithashtu në Lindjen e Mesme.
Udhëtim i tij vlerësohet gjithashtu pjesë e një shtytje të re diplomatike për të ndaluar përhapjen nga lufta e Gazës në Bregun Perëndimor, Libanin dhe Detin e Kuq të pushtuar nga Izraeli.
Ai do të udhëtojë për në Liban, ku do të takohet me kryeministrin Najib Mikati, ministrin e tij të jashtëm dhe gjeneralin e lartë të vendit.
“Misioni do të jetë një rast për të diskutuar të gjitha aspektet e situatës në dhe rreth Gazës, duke përfshirë ndikimin e saj në rajon, veçanërisht situatën në kufirin izraelito-libanez, si dhe rëndësinë e shmangies së përshkallëzimit rajonal”, është thënë në një deklaratë të shërbimit diplomatik të Bashkimit Evropian. /Telegrafi/