Massimiliano Allegri ka thënë se Interi është favorit i Scudettos pas fitores së tyre 1-0 në Torino dhe trajneri është disi i kënaqur që Juventusi është më në fund jashtë kësaj gare.
Bardhezinjtë u hodhën përpara gjatë gjithë kohës në Torino, me 20 goditje në portë, me Interin që kishte vetëm pesë, por Hakan Calhanoglu e shndërroi penalltinë vendimtare në fund të pjesës së parë.
“Le të shmangim të themi gjëra që nuk do të ndihmojnë tani. Jam i lumtur të flas për performancën. Ishte një lojë e mirë nga skuadra ime, luajtëm mirë, patëm shumë goditje në portë, është keq për humbjen”, deklaroi Allegri për DAZN.
“Ishte një Juventus i mirë, ky ekip po përmirësohet, ne patëm më shumë pasime vertikale, i gjetëm sulmuesit më mirë dhe bëmë mirë në nivel teknik”.
Allegri kishte thënë vazhdimisht se Juve nuk ishte në garë për titullin e Serie A dhe tani kjo është konfirmuar, seria e tyre e pamposhtur në ligë prej 16 ndeshjesh përfundoi nga Interi.
“Më në fund, njerëzit mund të thonë se Juventusi është përfundimisht jashtë garës për Scudetto! Duhet vetëm të marrim sa më shumë pikë për të siguruar vendin e katërt, pastaj të përgatitemi për një fillim të fortë të sezonit të ardhshëm”.
“Sezonin e ardhshëm, ne do të punojmë së bashku për një vit, kështu që do të fillojmë të përpiqemi të fitojmë Scudetton. Natyrisht, këtë vit e nisëm keq dhe u desh të rikuperonim shumë ndeshje. Na mundën edhe incidente individuale në ndeshjet e mëdha”.
“Duhet ta shohim gotën gjysmë plot, ne po bëhemi një ekip, kemi ende diferencë reale për përmirësim dhe duhet të punojmë për forcimin e mëtejshëm të këtyre aspekteve”, ka shtuar më tej ai.
Allegri transformoi taktikat e tij për këtë ndeshje, duke përdorur formacionin 4-2-3-1 dhe ishte një nga paraqitjet më të mira të Juventusit të sezonit. /Telegrafi/