Trajneri i Juventusit, Massimiliano Allegri, ia ka bërë të qartë Leonardo Bonuccit se Paulo Dybala do të jetë zëvendëskapiten i Giorgio Chiellinit.
Edhe pse qendërmbrojtësi veteran akoma nuk e ka nënshkruar kontratën e re, strategu italian e ka bërë të qartë se Chiellini do të jetë kapiteni i Bianconervëe në sezonin 2021/2022. Kurse pas tij vjen sulmuesi argjentinas.
“Sa i përket përvojës te Juve, Dybala mund të jetë zëvendëskapiten, sepse Bonucci u largua dhe më pas u kthye, prandaj duhej të fillonte nga e para. Pres shumë nga Dybala, kam folur me të dhe ai është shumë i motivuar”.
“Kapiteni dhe zëvendëskapiteni vendosen nga mënyra se sa gjatë kanë luajtur në skuadër. Prandaj, Chiellini është lojtari më me përvojë dhe pas tij vjen Dybala”.
“Bonucci u largua për një sezon, ai e mori atë vendim, prandaj nëse e do shiritin e kapitenit duhet ta blejë dhe të luajë me të në rrugë. Leo e di këtë”, ka thënë Allegri. /Telegrafi/