Barcelona po synon Trent Alexander-Arnold si nënshkrimin e tyre kryesor të afatit kalimtar të verës së vitit 2023.
Sipas mediumit Liverpool Echo, thuhet se gjigantët spanjollë duan Alexander-Arnold në mënyrë që të ‘plotësojnë skuadrën e tyre’.
Ky medium shton se Barça do të ofronte një tarifë transferimi prej 67 milionë funte apo 80 milionë euro për yllin e Liverpoolit.
🚨 Barcelona are planning on making a £67 million bid for Trent Alexander-Arnold pic.twitter.com/ZcOdl3b46w
— SPORTbible (@sportbible) August 4, 2022
Kjo shifër duket tepër e ulët duke marrë parasysh gjendjen e tregut të transferimeve dhe profilin e Alexander-Arnold, i cili konsiderohet si njëri nga mbrojtësit e djathtë më të mirë në futbollin botëror.
23-vjeçari ka kontratë me Liverpool deri në vitin 2025 dhe ka qenë në klub për të gjithë karrierën e tij pas ardhjes nga akademia e të rinjve.
Barça aktualisht ka lojtarë si Sergino Dest dhe Sergi Roberto për të luajtur në pozicionin e mbrojtësit të djathtë, por asnjëri nuk ka bindur me nivelin e treguar.
Ata po shohin një talent superyll për të plotësuar pozicionin për vitet në vijim, me skuadrën e La Ligës që supozohet se ka përcjell vazhdimisht reprezentuesin anglez.
Liverpooli ka një histori të shitjes së lojtarëve kryesorë te Barça, pasi i ka shitur yje si Luis Suarez, Javier Mascherano dhe Philippe Coutinho gjatë viteve.
Por, mendimi për largimin e Alexander-Arnold nga Liverpool duket jashtëzakonisht i pamundur duke marrë parasysh besnikërinë e tij ndaj klubit.
Alexander-Arnold bëri debutimin e tij me Reds në 2016 dhe ka qenë gjithmonë i pranishëm që atëherë.
Ai ka bërë 227 paraqitje për Liverpoolin, duke fituar Ligën Premier, Ligën e Kampionëve, FA Cup dhe EFL Cup, ndër trofe të tjerë. /Telegrafi/