Klubi nga Superliga e Arabisë Saudite, Al-Ittihad ka konfirmuar gjatë mbrëmjes dy transferimet e fundit të bëra nga klubet e mëdha evropiane.
Afati kalimtar i transferime në Arabisë Saudite është mbyllur dje (e shtunë) në mbrëmje dhe klubet kanë njoftuar mbi lëvizjet e tyre të fundit.
Disa të tilla bëri edhe klubi i njohur saudit Al-Ittihad, i cili konfirmoi dy transferime të mëdha nga Evropa.
I pari i konfirmuar është mesfushori portugez, Danilo Pereira, i cili është transferuar nga Paris Saint-Germain për 5 milionë euro.
“Nga Parisi në Jeddah. Danilo Pereira është një mbrojtës për Al-Ittihad”, shkruan në njoftimin e Al-Ittihad.
From Paris to Jeddah 🛬
Danilo Pereira is a defender for Al-Ittihad
pic.twitter.com/kNDnGvK8Kh— Al-Ittihad Club (@ittihad_en) September 2, 2024
Pak më vonë, klubi saudit ka njoftuar edhe për transferimin e Steven Bergwijn nga Ajaxi për 21 milion euro.
“Nga Amsterdani në Jeddah. Steven Bergwijn i bashkohet Tigrave”, shkruan në njoftimin e klubit saudit.
Gjatë ditës së djeshme është përfolur edhe për një arritje të marrëveshjes me Lokomotiv Moska për transferimin e mbrojtësit shqiptar, Mario Mitaj, por diçka e tillë edhe nuk është zyrtarizuar. /Telegrafi/
From Amsterdam to Jeddah 🛬
Steven Bergwijn joins the Tigers
pic.twitter.com/8pD8CqVquQ— Al-Ittihad Club (@ittihad_en) September 2, 2024