Aktorja e njohur, Joan Collins, është një ikonë e vërtetë në industrinë e argëtimit. 90-vjeçarja ka nxitur një stuhi të vërtetë në internet duke u zhveshur me bikini në Saint Tropez, ku po kalon kohën me bashkëshortin e saj, Percy Gibson, i cili është 58 vjeçar.
Çifti kanë pozuar në pishinë, ndërsa e famshmja Alexis nga seriali kult, “Dynasty”, duket e pabesueshme në pragun e dekadës së 10-të. Edhe pse kishte indikacione se për këtë ishte përgjegjës operacioni plastik, ajo pretendon të kundërtën.
Collins jo vetëm që duket e mrekullueshme me bikini, por ajo ka një ide të shkëlqyer për stilimin e verës dhe nuk i ka munguar asnjëherë stili.
“Kjo është martesa ime e pestë, më e lumtura dhe e fundit. Percy është një njeri i mrekullueshëm, ai është shpirti im binjak. Kjo nuk do të thotë që ne nuk grindemi herë pas here, por në përgjithësi kemi shumë mirëkuptim për njëri-tjetrin”, ka thënë Joan për bashkëshortin dhe dashurinë e tyre.
Aktorja pohon se për bukurinë e saj është meritor fakti se mban gjithmonë krem me faktor mbrojtës, ndërsa nga ushqimet, më shpesh konsumon salmon, avokado, perime të freskëta dhe arra.
Ajo ka thënë se i trashëgoi këmbët e holla nga nëna e saj balerinë, porse në publikimet në rrjetet social nuk mund t’u rezistojë filtrave apo Photoshopit. /Telegrafi/