Aktorja dhe modelja, Kelly Brook, është zgjedhur për të luajtur në filmin “Baywatch”, mirëpo britanikja nuk e di se rolin e cilës prej protagonisteve do të mund ta luante.
Producentët e kanë zgjedhur 36-vjeçaren për shkak të formave të saja të bujshme, mirëpo ajo nuk është e sigurt nëse mund ta portretizojë protagonisten që e ka luajtur Pamela Anderson në serialin e dikurshëm.
“Producentët ma kanë dërguar skenarin. E kam lexuar dhe më pëlqen, por tash janë duke e përpunuar dhe nuk jam e sigurt nëse e kam marrë rolin. Nuk e kam problem zhveshjen në kostum të larjes, por shpresoj se nuk do të jem shumë e moshuar”, ka deklaruar Kelly.
“Baywatch” ka qenë një serial amerikan i transmetuar gjatë viteve 1989-1999 me David Hasselhoffin në rolin kryesor. Pamela Anderson dhe Carmen Electra kanë qenë ndër bukuroshet e kësaj serie të zhanrit dramë-aksion. /Telegrafi/
