Pëshpëritjet janë atje se Mauricio Pochettino mund të shkarkohet nëse ai nuk arrin të kualifikohet për në Evropë.
Kupa e Ligës ishte mënyra më e lehtë për ta bërë këtë, por Chelsea humbi nga Liverpool në finale. A po e ndjen Poch presionin?
Ai u përgjigj në konferencën për shtyp për momentin që kishte injoruar Todd Beohlyn pasi morën medaljet e argjendta.
“Unë dhe pronarët po flisnim dhe u përshëndeta kur i pashë në stadium. Më pas takova Behdad Eghbalin dhe po flisnim. Ne po ndanim mendimin e lojës, po flisnim për mundësinë që humbëm për të fituar një trofe”, tha Pochettino.
Tutje trajneri argjentinas ka thënë se ka mbështetjen e klubit, madje Todd Boehly i ka dërguar një mesazh të bukur.
“Ata treguan mbështetjen e tyre dhe pas ndeshjes, Todd Boehly më dërgoi një mesazh të bukur”.
“Nuk është në duart e mia nëse kam kohë te Chelsea. Ne kemi marrëdhënie shumë të mira me pronarët dhe drejtorët sportivë. U takon atyre të besojnë apo jo. Nuk është vendimi i trajnerit”, deklaroi Pochettino.
Chelsea aktualisht zë vendin e 11-të në Ligën Premier me 35 pikë, plot 12 më pak se pozita e pestë që i dërgon në Ligën e Evropës dhe nëntë më pak se pozita e gjashtë një tjetër vend që i dërgon skuadrat angleze në garat evropiane. /Telegrafi/