Telegrafi

Aguero mbeti i hutuar nga vendimi i Guardiolës gjatë ndeshjes ndaj Real Madridit

Sergio Aguero mbeti i hutuar nga vendimi që trajneri Pep Guardiola mori gjatë ndeshjes së Manchester Cityt në Ligën e Kampionëve kundër Real Madridit.

Real Madridi dhe Man City luajtën një barazim emocionues 1-1 në Santiagto Bernabeu në ndeshjen e parë të ndeshjes së tyre gjysmëfinale.

Vinicius Junior hapi rezultatin me një supergol nga distanca për 1-0, ndërsa Kevin De Bruyne e anuloi golin e brazilianit me një gol të bukur në pjesën e dytë për 1-1.

Lexo po ashtu Nuk mungoi spektakli e as golat, por nuk ka fitues në Bernabeu: Man City nxjerr rezultat pozitiv përballë Real Madridit

Skuadra e Guardiolës do të shkojë në ndeshjen e dytë të së mërkurës së ardhshme me një përpares, por vendimi i Guardiolës gjatë ndeshjes ka hutuar tifozët në internet, për të mos përmendur legjendën e Cityt, Aguero.

Spanjolli nuk bëri asnjë zëvendësim të vetëm, me Aguero që ‘goditi’ ish-trajnerin e tij për mospërdorimin e  sulmuesit argjentinas, Julian Alvarez.

Erling Haaland nuk ishte në gjendje të bënte një përshtypje të madhe në lojë pasi mbrojtësit e Realit, David Alaba dhe Antonio Rudiger e neutralizuan sulmuesin.

Aguero donte të shihte bashkëkombësin e tij në fushë, pasi bëri të ditur ndjenjat e tij pas rezultatit.

Lexo po ashtu Nuk realizoi asnjë zëvendësim: Pep Guardiola flet për strategjinë që përdori ndaj Real Madridit

“Ajo që nuk e kuptoj është pse ai nuk e inkuadroi Julian Alvarez… Pyes veten, por ai është Pep. Ai nuk lidhet me askënd”, ka thënë fillimisht Aguero për City_Xtra.

“Nëse do të ishte në dorën time, unë do të luaja me Julian pothuajse në çdo ndeshje – ne kemi nevojë që ai të jetë aktiv dhe të ketë një shkëndijë”, përfundoi argjentinasi. /Telegrafi/