Juventusi është në kërkim të një sulmuesi të ri në verë, dhe Moise Kean e Sergio Aguero thuhet se janë në krye të listës së tyre të ngushtë të dëshirave.
Zonja e Vjetër është e vendosur të mbajë Cristiano Ronaldon, por ylli portugez dëshiron të paktën dy nënshkrime të reja, përfshirë një sulmues të ri .
Sipas mediumit italian La Gazzetta dello Sport, Kean dhe Aguero janë në krye të listës së ngushtë të dëshirave të Zonjës së Vjetër.
Sulmuesi i Manchester Cityt do të shohë kontratën e tij të skadojë në fund të sezonit, ndërsa Kean është i huazuar në Paris Saint-Germain nga Evertoni.
Gjigantët e Ligue 1 janë të gatshëm ta bëjnë lëvizjen e tij të përhershme dhe sipas gazetës italiane, vullneti i Kean do të sjellë ndryshimin.
Reprezentuesi italian u bashkua me Evertonin nga Juventusi në vitin 2019 në një marrëveshje prej 30 milionë eurosh.
La Gazzetta raporton se Juve do ta bazojë vendimin e tij në faktorë teknikë dhe ekonomikë dhe ka më shumë emra të përfshirë në listën e tyre të ngushtë.
La Gazzetta dello Sport: "Juventus, Aguero o Kean per fare felice Cristiano Ronaldo" https://t.co/EpycUd20fX
— TUTTOmercatoWEB (@TuttoMercatoWeb) March 26, 2021
Raul Jimenez, Edin Dzeko, Gianluca Scamacca, Olivier Giroud dhe Arek Milik mbeten emrat tjerë në radarët e Zonjës së Vjetër.
Alvaro Morata mund të qëndrojë në klub si huazim për një sezon tjetër, megjithëse Bianconerët do të duhet të paguajnë 10 milionë euro shtesë për të zgjatur qëndrimin e tij në Torino për sezonin 2021-22. /Telegrafi/