Ish-agjenti i Neymarit, Wagner Ribeiro ka zbuluar se ai donte që braziliani të bënte një transferim në Real Madrid në vitin 2013.
Ribeiro ka theksuar se Neymar kërkohej nga Reali dhe Chelsea, përveç Barcelonës, dhe ylli i Santosit madje kaloi edhe testet mjekësore Mbretërit përpara se të vendoste për të shkuar në Camp Nou.
“Kam dërguar oferta nga Chelsea dhe Real Madrid në Santos”, ka thënë fillimisht Ribeiro për UOL Esporte.
“Një ofertë nga Barcelona shkoi drejtpërdrejt te babai. Doja që ai të shkonte në Madrid, e kam thënë gjithmonë”, përcjell Telegrafi.
“Ekonomikisht, oferta e Realit ishte më e mirë për Santosin dhe akoma më mirë për lojtarin. Por, ai vendosi të shkojë në Barcelonë sepse ata ishin ekipi i zemrës së tij”.
Ribeiro nuk është më agjent i Neymar pasi babai i lojtarit, Neymar Santos Sr, mori përsipër këto detyra.
“Unë kam qenë agjenti i tij nga mosha 12 vjeçare dhe i kam bërë dy kontrata me Santosin, por kur ai u rrit, babai i tij mori kontrollin e çdo gjëje nëpërmjet kompanive të tij”.
“Unë nuk jam më agjent i Neymarit, është babai i tij, por është e vërtetë që ne jemi duke punuar së bashku, sepse jemi afër”, përfundoi agjenti brazilian. /Telegrafi/