Agjenti Fulvio Valcareggi ka bërë një parashikim befasues, duke pretenduar se Paulo Dybala tashmë ka vendosur të largohet nga Juventusi si lojtar i lirë dhe t’i bashkohet Interit.
Agjenti i cila nuk punon me Dybalan, ka dhënë një intervistë për Radio Kiss Kiss Napoli, duke dhënë edhe disa detaje.
Kontrata aktuale e Dybala zgjat vetëm deri më 30 qershor dhe negociatat për një zgjatje me sa duket kishin përfunduar dhe kishte mbetur vetëm hedhja e nënshkrimit.
Kalimi i Dushan Vlahovic nga Fiorentina te Juven për 67 milionë euro plus 8 milionë euro bonuse e komplikon më tej situatën.
“Paulo Dybala do të shkojë te Interi, do ta shihni. Raporti i tij me drejtorët e Juventusit është prishur plotësisht. Gjithçka është në vend që ai të shkojë në Inter”.
“Do të jetë një transferimi i madh për Nerazzurrët, gjithçka ka përfunduar!”, ka thënë Valcareggi.
Kjo nuk është hera e parë që Dybala është lidhur me Interin, ku ai do të ribashkohej me drejtorin e përgjithshëm Beppe Marotta, njeriun që fillimisht e bleu atë te Juventusi nga Palermo në 2015 për 41 milionë euro.
Bardhezinjtë kishin rënë dakord me sa duket për një kontratë 10 milionë euro për sezon, vetëm për t’u rikthyer më pas dhe për të shtyrë diskutimet deri në shkurt.
Dybala ka shënuar 11 gola dhe ka dhënë katër asistime në 23 ndeshje konkurruese deri më tani këtë sezon. /Telegrafi/