Agjentët e futbollistëve të Manchester United janë duke ndjekur ndeshjen e sotme Napoli-Atalanta për të parë nga afër Elseid Hysajn dhe Franck Kessien.
Sipas La Gazzetta dello Sport, përfaqësuesit e skuadrës së Jose Mourinho janë në stadiumin ‘Stadio San Paolo’ të Napolit këtë pasdite(shtunë).
Objektivat e tyre janë për të shikuar nga afër lojën dhe aftësitë e dy futbollistëve, ku njëra nga ta është shqiptar, transmeton Telegrafi.
Agjentët e ‘Djajve të Kuq’ po shikojnë nga afër mesfushorin e Atalantas, Kessie dhe mbrojtësin e djathtë të Napolit, Hysajn.
Reprezentuesi i Bregut të Fildishtë, Kessie, ka pranuar këtë javë se ai ‘ëndërron që të luajë për Manchester United’, dhe ata do të jenë transferimi i tij ideal.
Kessie gjithashtu kërkohet edhe nga shumë skuadra tjera të mëdha si Chelsea, Juventus, Inter, Roma, Paris Saint-Germain dhe Manchester City, dhe kështu do të jetë një garë e fortë për shërbimet e tij.
Ndërkohë, reprezentuesi i kombëtares së Shqipërisë, Hysaj është duke shqyrtuar të ardhmen e tij, pas dy viteve të kaluar te Napoli.
Çmimi i Kessiet mendohet të jetë rreth 30-35 milionë euro, ndërsa i Hysajt rreth 25 milionë, por paratë nuk pritet të jenë problem për gjigantin anglez. /Telegrafi/