Zyrtari ukrainas: Prodhuam një raketë të re, me të shkatërruam sistemin raketor rus S-400

Oleksi Danilov, Sekretar i Këshillit të Sigurisë Kombëtare dhe Mbrojtjes së Ukrainës, tha se një raketë “e re, plotësisht moderne” ukrainase u përdor në sulmin ndaj sistemit kundërajror rus në Krime më 23 gusht.

Ai theksoi se raketa e prodhimit ukrainas funksionoi “pa të meta”, shkruan Kyiv Independent.

Shërbimet e inteligjencës ukrainase pretendojnë se sistemi rus i mbrojtjes kundërajrore S-400, u shkatërrua në shpërthimin në Olenivka në pjesën veriperëndimore të Krimesë, transmeton Telegrafi.

Lexo po ashtu Momenti kur mortaja ruse shpërthen në flakë pasi u godit nga forcat ukrainase

Një ditë pas sulmit, forcat ukrainase zbarkuan në fshat, pesë kilometra larg Olenivka, dhe ngritën flamurin ukrainas si pjesë e një operacioni të përbashkët të marinës dhe njësive të inteligjencës.

Zëdhënësi i inteligjencës Andriy Yusov tha për mediat ukrainase se nuk mund të jep informacion të detajuar për operacionin e 24 gushtit, por se ai “kishte karakteristikat e një sulmi shkatërrimtar”.

Ndryshe, forcat ukrainase kanë kryer një sërë sulmesh ndaj objektivave kyçe në Krime këtë verë, duke përfshirë një sulm në urën e Krimesë. /Telegrafi/