Rusia thotë se ka rihapur pjesën e padëmtuar të rrugës në një urë kyçe për në Krimenë e pushtuar që u godit nga një shpërthim mëngjesin e sotëm.
Rrugën do të mund ta përdorin vetëm makinat dhe autobusët, të cilët i nënshtrohen procedurave të kontrollit të plotë. Kamionët po drejtohen në vendkalimin e trageteve aty pranë, transmeton Telegrafi.
Hetuesit rusë thonë se besojnë se një kamion u hodh në erë duke shkaktuar shembjen e pjesëve të rrugës dhe djegien e një treni me karburant në urën paralele hekurudhore. Kjo lidhje është ende jashtë funksionit.
Hetuesit thonë se të paktën tre persona u vranë nga shpërthimi.
Ura 19 kilometra (12 milje) është një rrugë e rëndësishme furnizimi për forcat ruse që luftojnë në Ukrainën jugore.
Ura u hap nga presidenti rus, Vladimir Putin në vitin 2018 pas aneksimit të Krimesë nga Rusia. /Telegrafi/
