Talenti i Benficas, Gedson Fernandes është konfirmuar zyrtarisht si lojtar i ri i Tottenham Hotspur.
Sot (e mërkurë) gjatë ditës, klubi londinez ka konfirmuar arritjen e marrëveshjes me Benfican për talentin Gedson Fernandes.
Me anë të rrjeteve sociale, Spurs kanë lajmëruar se portugezi i bashkohet ekipit si huazim 18-mujor me mundësi blerje.
“Jemi të kënaqur të njoftojmë se kemi arritur marrëveshje për huazimin 18-mujor të Gedson Fernandes nga Benfica me një mundësi për ta bërë transferimin të përhershëm”, thuhet në njoftimin e Spurs.
✍️ We are delighted to announce that we have reached agreement for the 18-month loan of Gedson Fernandes from Benfica with an option to make the transfer permanent.
#BemVindoGedson ⚪️ #COYS— Tottenham Hotspur (@SpursOfficial) January 15, 2020
Mesfushori thuhet se do të bart fanellën me numrin 30 për pjesën e mbetur të këtij sezoni.
Transferimi i Fernandesit i liron tashmë rrugën Christian Eriksenit për t’u larguar nga White Hart Lane, ku destinacioni i radhës pritet të jetë Interi. /Telegrafi/