Chelsea ka vazhduar me transferime të bujshme gjatë afatit kalimtar veror.
Skuadra londineze ka nënshkruar tani me qendërmbrojtësin brazilian Thiago Silva.
Pas shumë diskutimeve palët më në fund kanë arritur një marrëveshje një vjeçare me mundësi vazhdimi edhe për një vit tjetër.
Ka qenë vet klubi londinez që ka konfirmuar arritjen e marrëveshjes me Silvën, që i bashkohet Chelseat si transferim i lirë pasi i ka përfunduar kontrata me PSG-në.
Done deal! 🙌 Welcome to Chelsea, @TSilva3! #OhhThiagoSilva
— Chelsea FC (@ChelseaFC) August 28, 2020
“Chelsea ka transferuar njërin nga emrat më të mëdhenj në futbollin botëror, Thiago Silva”.
“Braziliani ka nënshkruar një kontratë një vjeçare me mundësi vazhdimi edhe për 12 muaj të tjerë”, thuhet në njoftimin e klubit londinez.
Reprezentuesi brazilian është deklaruar shumë i lumtur dhe i entuziazmuar me nënshkrimin e kontratës me Chelsean.
Paris ⇢ The Pride of London! 💙@TSilva3 has arrived! #OhhThiagoSilva pic.twitter.com/ssO5ZlA4Dw
— Chelsea FC (@ChelseaFC) August 28, 2020
“Jam shumë i lumtur që po bashkohem me Chelsean. Jam i entuziazmuar të jem pjesë e skuadrës së Frank Lampardit për sezonin tjetër dhe jam këtu të luftoj për trofe”, ka deklaruar Silva.
Chelsea deri më tani ka nënshkruar me Hakim Ziyech, Malang Sarr, Ben Chilwell e Timo Werner. /Telegrafi/