Roma ka konfirmuar se Patrik Schick është transferuar në formë huazimi te Rasenball Sport Leipzig për këtë sezon.
Sulmuesi çek do të qëndrojë te klubi gjerman deri më 30 qershor të vitit 2020, derisa për huazimin e tij janë paguar 3.5 milionë euro.
Një shumë rreth 500 mijë eurosh do të paguhen më vonë, varësisht paraqitjeve që bënë në Bundesligë.
Si pjesë e marrëveshjes, nëse RB Leipzig arrin të kualifikohet për në Ligën e Kampionëve në sezonin 2020/2021, atëherë marrëveshje do të bëhet permanente për shumën e 29 milionë eurove.
Schick iu bashkua Romës në vitin 2017, duke bërë 57 paraqitje dhe ka shënuar tetë gola. /Telegrafi/
Patrik Schick has today completed a loan move to @RBLeipzig_EN.
Good luck in Germany, Patrik!
— AS Roma English (@ASRomaEN) September 2, 2019