Chelsea ka emëruar Maurizio Sarrin në pozitën e trajnerit të klubit.
Klubi londinez e ka konfirmuar transferimin vetëm pak ditë pasi shkëputi bashkëpunimin me Antonio Conten.
Ndodhi kjo vetëm pasi besohet se Napoli lejoi shkëputjen e kontratës me Sarrin në një marrëveshje të dyfishtë me Jorginhon në vlerë prej 57 milionë eurosh.
Sarri ka nënshkruar kontratë trivjeçare me Chelsean.
“Jam i lumtur që po vij te Chelesa në Ligën Premier. Jam i entuziazmuar për periudhën e re të karrierës time”.
“Mezi pres të filloj punën dhe të takoj lojtarët të hënën para udhëtimit në Australi, ku unë do të njoh skuadrën dhe ku ne do të fillojmë aksionin”.
Maurizio Sarri is the new Chelsea head coach!
Full story: https://t.co/qQwb5xZT3f#WelcomeSarri pic.twitter.com/DCNfoVCoz6
— Chelsea FC (@ChelseaFC) July 14, 2018
“Shpresoj se mund të bëj futboll argëtues për tifozët tanë dhe ne do të luftojmë për trofe në fund të sezonit, gjë që klubi e meriton”, u shpreh Sarri për faqen zyrtare të klubit londinez.
Në faqen zyrtare të Chelseat vlerësohet lart loja atraktive e Sarrit e instaluar te Napoli, që besohet se ka qenë një prej arsyeve të angazhimit të tij. /Telegrafi/