Zyrtare: Real Madridi njofton se e ka shitur Cristiano Ronaldon te Juventusi

Është klubi mbretëror i Real Madridit ai që e ka bërë zyrtare largimin e Cristiano Ronaldos drejt Juventusit.

Ata kanë lëshuar një komunikatë për media ku kanë falënderuar lojtarin që ka thyer shumë rekorde te Los Blancos.

“Real Madrid CF njofton se bazuar në vullnetin dhe me kërkesën e shprehur nga lojtari Cristiano Ronaldo ka rënë dakord për transferimin e tij në Juventus FC”.

“Sot Real Madrid dëshiron t’i shpreh mirënjohje lojtarit i cili u tregua si më i miri në botë duke shkruar faqe të ndritshme të historisë së klubit tonë”.

“Cristiano Ronaldo ka qenë një shembull i përkushtimit, punës, përgjegjësisë, talentit dhe përmirësimit”.

Ronaldo është bërë golashënuesi më i mirë në historinë e Real Madridit me 451 gola në 438 ndeshje.

Ai ka fituar 16 tituj, duke përfshirë 4 Liga të Kampionëve, tri prej tyre me radhë.

Lexo po ashtu Agnelli arrin në Greqi, takim me Ronaldon dhe Mendesin për ta mbyllur marrëveshjen

Klubi nuk e ka bërë të ditur shumë e transferimit, por mësohet se shifra është 105 milionë euro.

Lojtari do të fitojë 30 milionë euro në sezon. /Telegrafi/