Mario Gotze edhe zyrtarisht i është bashkuar PSV Eindhovenit si lojtar i lirë.
Sulmuesi gjerman ishte lojtar i lirë, pas përfundimit të kontratës me Borussia Dortmundi.
Edhe pse lidhej me një rikthim te Bayern Munichu, PSV ka reaguar shpejtë dhe e ka bindur Gotzen që të kalojë në radhët e tyre.
🔴⚪️ + @MarioGoetze = 🥰#MeisterMario pic.twitter.com/8GgLlS0eBH
— PSV (@PSV) October 7, 2020
Gjermani ka nënshkruar kontratë dyvjeçare me skuadrën holandeze me mundësi vazhdimi edhe për një vit tjetër.
Gotze ende kujtohet për golin e madh që e shënoi kundër Argjentinës në finalen e Kupës së Botës për Gjermaninë.
Lojtari është shprehur i lumtur që ka kaluar te PSV dhe ka thënë se mezi pret të luajë për klubin nga Eredivisie. /Telegrafi/