Nënkampioni i Shqipërisë, Kukësi, ka nënshkruar kontratën me portierin Faton Maloku.
Portieri 26-vjeçari ka qenë pjesë e Feronikelit në Superligën e Kosovës në dy sezonet e fundit.
Ky shihet një përforcim shumë i madh i Kukësit në prag të kupave të Evropës.
Maloku është pjesë e Përfaqësueses së Kosovës, ndërsa ka qenë i tubuar edhe në ndeshjen e fundit.
Maloku më parë ka mbrojtur ngjyrat e Gjilanit.
Portieri ishte zgjedhur nga trajnerët si më i miri për vitin e shkuar. /Telegrafi/