Kontrata e Divock Origit me Milanin është deponuar zyrtarisht në Lega Calcio, ndërsa edhe kuqezinjtë e kanë të zyrtarizuar nënshkrimin e kontratës me lojtarin.
Faqja zyrtare e Lega Calcio konfirmoi gjatë ditës se kontrata e Origit është regjistruar nga Milani, ndërsa klubi pasdite njoftoi ardhjen e tij.
Belgu kishte kryer testet mjekësore dy javë më parë, por njoftimi u shty për shkak të çështjeve burokratike.
Ish-sulmuesi i Liverpoolit i është bashkuar kampionit të Serie A si lojtar i lirë pasi i skadoi kontrata me The Reds.
Ai tani është gati të nisë një kapitull të ri të karrierës së tij në “San Siro”.
Origi nuk u bashkua me shokët e tij të rinj në ditën e parë të stërvitjeve të hënën, por do të mbërrijë në Milanello për herë të parë sot (e martë).
Official Statement: @DivockOrigi ➡️ https://t.co/tIqImpddjT
Comunicato Ufficiale: Divock Origi ➡️ https://t.co/DavAjoDHeK#ReadyToLeaveAMark #SempreMilan pic.twitter.com/yLjLrju31A
— AC Milan (@acmilan) July 5, 2022
Megjithatë, ai do të stërvitet veçmas nga pjesa tjetër e grupit për të paktën 10 ditë për t’u rikuperuar nga një dëmtim muskulor që pësoi në pjesën e dytë të sezonit të kaluar me Liverpoolin.
27-vjeçari kaloi shtatë vjet me Reds dhe shënoi 47 gola në 171 paraqitje në Anfield. /Telegrafi/