Celta Vigo dhe Barcelona kanë arritur një marrëveshje rreth transferimit të Denis Suarezit. Galikanët do t’u paguajnë katalunasve një shumë rreth 12.9 milionë euro, plus 3.1 milionë euro nga të arriturat e lojtarit.
Blaugranët kanë njoftuar në rrjetet sociale se kanë arritur marrëveshje me rivalin nga La Liga rreth mesfushorit spanjoll.
Denis Suarez në sezonin e kaluar ishte i huazuar te Arsenali, mirëpo këta të fundit nuk kishin interesim për ta blerë kartonin e tij.
Agreement with @RCCelta for the transfer of @DenisSuarez6
More info: https://t.co/pxqpnXZafv pic.twitter.com/pAR7S4mRPB— FC Barcelona (@FCBarcelona) June 30, 2019
Mesfushori i talentuar ka zhvilluar 71 paraqitje zyrtare për klubin në tri sezonet e kaluara në Camp Nou, duke shënuar tetë gola dhe ka fituar pesë tituj: Një titull të La Ligas, dy Kupa të Mbretit dhe dy Superkupa të Spanjës. Në Barca B, ai ka zhvilluar 36 paraqitje.
Denis Suarez i ishte bashkuar skuadrës së parë në vitin 2016, pas dy lëvizjeve që kishte bërë te Sevilla dhe Villarreali.
Paraqitjet e tij të mira te rivalët nga La Liga, bëri që ai të rikthehej në klub, por jo edhe për shumë gjatë, derisa në këtë verë e kompletoi transferimin te Celta Vigo. /Telegrafi/
ISTO
VAI
DE
CORAZÓN 💙#DenisVolveaCasa#IstoVaiDeCorazon pic.twitter.com/gSEvh2X4lK— RC Celta (@RCCelta) June 30, 2019