Merih Demiral ka përfunduar transferimin e tij nga Juventus në Atalanta, në huazim me mundësi blerje, kështu që Cristian Romero mund të bashkohet me Tottenham Hotspur.
Efekti domino është në progres dhe vetëm një mbetet për të rënë, pasi sot Atalanta zyrtarisht aktivizoi opsionin e tyre për të blerë Romerom nga Juve për 16 milionë euro – pasi kishte paguar tashmë 2 milionë euro për huazim vitin e kaluar.
Tani reprezentuesi i Turqisë, Demiral është konfirmuar si një lojtar i Atalantës, me zikaltërit që paguajnë 2.5 milionë euro për huazimin, me opsion blerje për 25 milionë euro tjera plus bonuse në fund të vitit.
Juventusi gjithashtu do të mbajë një përqindje të çmimit të shitjes së ardhshme.
⚫️ 𝐁𝐄𝐍𝐕𝐄𝐍𝐔𝐓𝐎 𝐃𝐄𝐌𝐈𝐑𝐀𝐋 🔵@Merihdemiral è un nuovo giocatore dell’Atalanta! 🦾 Hoş geldin, Merih! 🔝🇹🇷#Demiral is a new Atalanta player! 🤝 Welcome, Merih! 🤩#GoAtalantaGo ⚫️🔵 pic.twitter.com/82QhThYlPL
— Atalanta B.C. (@Atalanta_BC) August 6, 2021
E gjithë kjo do të thotë që domino e vetme e mbetur është Tottenham që njofton se kanë blerë Romero nga Atalanta, për 50 milionë euro plus 5 milionë euro bonuse.
Demiral është një mbrojtës 23-vjeçar i Turqisë, i cili i kushtoi Juventusit 18 milionë euro për të nënshkruar nga Sassuolo në vitin 2019.
Vlen të përmendet se Juve bëri një humbje në transferimin e Romeros në Atalanta, prej 4.8 milionë euro, ndërsa La Dea praktikisht trefishoi investimin e tyre duke e shitur atë te Spurs. /Telegrafi/