Chelsea ka konfirmuar zyrtarisht transferimin e talentit Carney Chukwuemeka nga Aston Villa.
Blutë e Londrës kanë kryer tashmë edhe një transferim, pas atij të Raheem Sterling nga Manchester City dhe Kalidou Koulibalyt nga Napoli.
Bëhet fjalë për talentin Chukwuemeka, i cili vjen nga Aston Villa në një transferim të përhershëm.
Introducing your newest blue, Carney Chukwuemeka! 🤝#ChukwuemekaIsChelsea pic.twitter.com/Ojsh38bKBC
— Chelsea FC (@ChelseaFC) August 4, 2022
“Carney Chukwuemeka ka rënë dakord për kushtet e një kontrate gjashtëvjeçare me Chelsean dhe ka përfunduar transferimin e tij nga Aston Villa”, thuhet në njoftim.
18-vjeçari është reprezentues i moshave të Anglisë, ndërsa ka debutuar në vitin 2021 në Ligën Premier.
Blue suits you, @Chukwuemekaa10! 😍
Read all about it! ⤵️#ChukwuemekaIsChelsea
— Chelsea FC (@ChelseaFC) August 4, 2022
Në total, ai ka bërë 14 paraqitje në Ligën Premier dhe u bë lojtari më i ri që regjistroi një kontribut për gol në kampionatin elitar anglez për klubin në fitoren 2-0 të dhjetorit ndaj Norwich City.
Transferimi i tij thuhet se i ka kushtuar Chelseat 15 milionë funte plus 5 milionë funte tjera bonuse. /Telegrafi/