Zyrtare: Caldara kthehet te Atalanta

Mattia Caldara i është bashkuar zyrtarisht Atalantas në huazim 18-mujor me opsione blerje, pas një kohe jo të mirë të kaluar te Milani.

Mbrojtësi kuptohet se i ka kryer testet mjekësore dje (e shtunë) dhe ka nënshkruar kontratë këtë mëngjes.

Atalanta ka lëshuar një komunikatë kur konfirmon se lojtari ka nënshkruar si huazim 18-mujor me mundësi blerje.

Lexo po ashtu Caldara afër kthimit te Atalanta

“Një përfaqësues i vërtetë i shpirtit të Bergamos, Mattia kthehet në zikaltër pas dy vjetësh me qëllim të shkrimit të faqeve më të mrekullueshme në tregimin e tij te Atalanta. Mirësevini në shtëpi, Mattia!”, shkruhet në komunikatë.

Mediat italiane raportojnë se do të jetë një huazim falas me mundësi blerje për 15 milionë euro, duke i dhënë Milanit një përqindje për çdo transferim të ardhshëm.

Caldara si vendas nga Bergamo ishte transferuar te Milani përmes Juventusit në verën e vitit 2018, por bëri vetëm dy paraqitje për ta në të gjithë garat për shkak të dy dëmtimeve të rënda. /Telegrafi/