Zyra e OKB-së për Koordinimin e Çështjeve Humanitare (OCHA) publikoi në llogarinë e saj në rrjetin social X (ish-Twitter) një video nga OKB-ja në Gjenevë, në të cilën dëgjohet tingulli i një sirene.
Në zyrën e OKB-së në Gjenevë, dritat janë fikur për një kohë të shkurtër dhe u dëgjua tingulli i një sirene paralajmëruese për një sulm ajror, e cila u regjistrua në Ukrainë, transmeton Telegrafi.
Në njoftim thuhet se Zyra e OCHA-së është bashkuar për t’u bërë thirrje vendeve anëtare të OKB-së, që të mbështesin civilët që po e përjetojnë këtë çdo ditë.
Në rrjetet sociale qarkullojnë shpesh video, që tregojnë reagimin e fëmijëve dhe të rriturve ndaj sirenës që dëgjohet pothuajse çdo ditë në shumë pjesë të Ukrainës.
Nga shumë organizata ndërkombëtare që nga fillimi i pushtimit rus në Ukrainë, është bërë thirrje që civilët të kursehen nga granatimet – e madje është kërkuar korridor i veçantë për largimin e tyre drejt zonave më të sigurta. /Telegrafi/
Powerful moment as the sound of an air raid siren rips through the air at the 🇺🇳 in Geneva.
This is a recording from #Ukraine 🇺🇦 under bombardment.
We are gathered to urge Member States to support civilians who live through this every day.@OCHA_Ukraine @UNGeneva pic.twitter.com/DWxdKN2nNe
— Jens Laerke (@JensLaerke) January 15, 2024