Një zjarr dhe shpërthim i madh ka ndodhur në Ostrogozsk të rajonit Voronezh të Rusisë pas një sulmi me dron.
Në atë qark është shpallur gjendje e jashtëzakonshme dhe autoritetet po evakuojnë banorët e një fshati, raporton agjencia shtetërore ruse e lajmeve RIA Novosti.
Guvernatori i rajonit Voronezh, Aleksander Gusev, njoftoi në Telegram se banorët e një fshati po evakuohen përkohësisht me autobus në disa vendbanime aty pranë. Ai vuri në dukje se banorëve iu dhanë udhëzime të sakta evakuimi.
Shërbimet e urgjencës dhe autoritetet lokale po operojnë në vendngjarje. Sipas informacioneve të para nuk ka pasur civilë të lënduar.
Almacén de municiónes Ruso en Voronezh. pic.twitter.com/Mee2dbUOPU
— cabeço (@MiguelA06688225) September 7, 2024
Në rrjetet sociale janë shfaqur pamje që tregojnë flakë të mëdha dhe tym të dendur, si dhe dëgjohen edhe shpërthime.
Gusev i bëri thirrje popullatës vendase të respektojë masat e sigurisë, duke i këshilluar ata të mos afrohen në vendet e zjarrit dhe të raportojnë të gjitha objektet e dyshimta te shërbimet operative në vend që t’i prekin ato.
Guvernatori bëri të ditur se vlerësimi i dëmeve do të bëhet vetëm pasi të ndalen shpërthimet dhe të shuhet zjarri.
Rusët pretendojnë se zjarri shpërtheu pasi një dron ukrainas ra mbi mjetet shpërthyese dhe shkaktoi incidentin. /Telegrafi/
Voronezh Region. UAV destroyed Russians’ ammunition depot🤝 pic.twitter.com/M5Cd6tTS9p
— StrategicNew_UA (@2_vatalive) September 7, 2024