Milani ka mbetur pa Hakan Calhanoglun i cili është larguar në drejtim të rivalit lokal Interit.
Kësisoj Rossonerët janë duke shikuar mundësinë ta zëvendësojnë turkun me një tjetër futbollist.
Shumë emra janë përmendur deri më tani, por ende nuk ka asnjë afrim zyrtar nga Milani.
Emri i ri dhe më i mundshmi për t’iu bashkuar Rossonerëve është ai i marokenit Hakim Ziyech që luan te Chelsea.
Reprezentuesi i Marokut nuk ka qenë një titullar te Chelsea dhe po shikon mundësinë të largohet gjatë verës.
Gazzeta dello Sport ka raportuar se Paolo Maldini ka kontaktuar agjentët e lojtarit për të parë disponimin e tij të luaj në San Siro.
Vet Ziyech është i interesuar t’i bashkohet Milanit ku do të ketë një pozitë titullari.
Chelsea nga ana tjetër është gati ta lejoj lojtarin të largohet, por vetëm nëse vjen ndonjë ofertë rreth 40 milionë euro, aq sa shpenzuan për transferimin e tij nga Ajaxi një vit më parë. /Telegrafi/