Zinedine Zidane ka dhënë një deklaratë interesante të cilët tifozët e Real Madridit mund edhe mos ta pëlqejnë.
Me shpalljen Republikë të Katalunisë, e cila tash e sa kohë po mendon të pavarësohet nga Spanja, atëherë klubi më i madh katalunas, Barcelona, mund të mos luaj në kampionatin spanjoll, La Liga.
Kjo mundësi e largimit të Barcelonës nga La Liga ka hapur debat të madh në Spanjë, ku i fundit që ka folur është trajner i Realit, Zidane.
Trajneri francez ka deklaruar se nuk mund ta shoh La Ligan pa rivalin më të madh, Barcelonën.
“Unë nuk mund ta shoh ligën spanjolle pa Barcelonën”, ka thënë fillimisht Zidane në konferencë për shtyp.
“Si një tifoz i futbollit, unë gjithmonë e shoh atë skuadër në këtë ligë, por është një debat i komplikuar, çfarë do të ndodhë apo jo”, përfundoi trajneri i Realit. /Telegrafi/