Përfaqësuesja e Kosovës fitoi lehtësisht ndaj Maltës në Ligën e Kombeve duke regjistruar një fitore me rezultat 0-5.
Golat në këtë takim u shënuan nga Vedat Muriqi (15′), Benjamin Kololli (70′),
Donis Avdijaj (78′, 80′) dhe Milot Rashica (86).
Përveç golit Rashica asistoi në këtë ndeshje dy herë, kurse Muriqi një herë.
Mbrojta në këtë takim ishte e sigurt, mesfusha qarkulloi topin mirë, faza shumuese me fatin në anën e tyre ishte në nivel.
“Dardanët” edhe këtë herë e përcollën Kosovën nga afër, ishin rreth 500 tifozë që përkrahën përfaqësuesen tonë në stadiumin Ta’ Qali në Maltë.
Telegrafi gjithë ngjarje e përcolli në detaje, duke i ofruar lexuesve informacione për ecurinë e ndeshjes në kohë reale.
Por, do të jenë lexuesit e Telegrafit ata që do e përcaktojnë ‘Lojtarin e ndeshjes’ ndaj Maltës duke votuar në sondazhin e më poshtëm.
Rezultatet e sondazhit do të publikohen sonte (e shtunë) në ora 23:30. /Telegrafi/