Paralajmërimi ka ardhur nga përtej Atlantikut muajin e kaluar. Richard Burr, shefi i komitetit të inteligjencës në senatin amerikan, po drejtonte një seancë në lidhje me hetimin mbi ndërhyrjen e supozuar ruse në zgjedhjet presidenciale amerikane, kur edhe tha se shënjestra e radhës mund të ishte Franca.
“Unë mendoj se është e dukshme në gjykimin e kujtdo se rusët janë të përfshirë në mënyrë aktive në zgjedhjet në francë. Pjesë e përgjegjësisë sonë është të edukojmë edhe pjesën tjetër të botës”, tha ai.
Ky paralajmërim, u rikthye në vëmendje këtë javë pas zbulimit se pjesëtarë të stafit të Emmanuel Macron, favorit kryesor në balotazhin e pritshëm, janë sulmuar nga hakera të dyshuar rusë. Lajmi nuk është i papritur në kampin macron apo për ekspertët që thonë se rusia po punon në prapaskena për të përmbysur rezultatin në favor të kundërshtares së tij Marine Le Pen. Por, ndërsa Rusia ka mohuar akuzat për hakerim, frika për ndërhyrje të mundshme të kremlinit tani është e dukshme ndërsa zgjedhësit përgatiten të shkojnë në votime të dielën e ardhshme.
Rusia thotë se nuk ka një kandidat të preferuar në zgjedhjet franceze, por ka arsye të mira për të mbështetur lë penin. Qëndrimi i saj anti evropë dhe anti nato, është në një linjë me interesat ruse dhe ajo ka kërkuar lidhje më të ngushta me presidentin Vladimir Putin.
Le Pen, po ashtu ka shprehur edhe dëshirën për të tërhequr sanksionet e BE-së mbi rusinë pas aneksimit të krimesë të cilat ajo i ka quajtur të padrejta. Është ky një qëndrim në kontrast të thellë me atë të Macron, pro evropian dhe pro integrimit që ka thënë se është pro sanksioneve mbi rusinë e madje do të donte edhe ti shtonte ato.
Ndërsa Macron ka kandiduar si i pavarur, Le Pen ka bërë fushatë deri më tani si kryetarja e Frontit Nacional të së djathtës ekstreme. Ajo përballet edhe me kritika se fushata e saj është financuar pjesërisht nga një bankë ruse. Por, ajo thotë se nuk kishte pasur zgjidhje tjetër pasi bankat franceze e kishin refuzuar. Madje shumë dyshime pati edhe kur Le Pen udhëtoi drejt Moskës për një takim me Putinin muajin e shkuar. Putin nënvizoi rëndësinë e lidhjeve të ngushta franko-ruse edhe pse Kremlini insiston se nuk ka të preferuar në zgjedhje në një kohë kur pozicioni i Le Penit mbi Rusinë është i qartë.