Policia e Kosovës njofton se një incident i armatosur ka ndodhur në një lokal nate në Suharekë ku një grua është plagosur derisa gjashtë të tjerë kanë pësuar lëndime më të lehta.
“Me datë 30.08.2024 , rreth orës 02:05, pas një zënke një person i shoqëruar edhe nga dy shok, nga parkingu i një lokali nate në Topliçan të Suharekës ka shtënë me armë zjarri në drejtim të lokalit. Si pasojë një femër është plagos në këmbë nga plumbi dhe 6 persona të tjerë kanë pësuar lëndime të lehta trupore nga xhamat”, njofton Policia e Kosovës.
Sipas njoftimit të Policisë, të dyshuarit janë larguar nga vendi i ngjarjes menjëherë.
Patrulla policore sapo e ka marrë informatën ka shkuar në vend ngjarje e më pas atyre u janë bashkangjitur të gjitha njësit përgjegjëse si dhe eprorët e Stacionit dhe eprorët Rajonal të policisë.
Policia njofton tutje se ka punuar me përkushtim dhe pa ndalë derisa tre të dyshuarit janë identifikuar dhe arrestuar.
“Dy të dyshuar meshkuj (Ç.S. 22 vjeç dhe A.A. 23 vjeç) nga Suhareka pasi që janë intervistuar me urdhër të prokurorit kujdestar janë ndaluar për 48 orë, ndërsa i dyshuari i tretë (mashkull A.D. 18 vjeç) është liruar me procedurë të rregullt. Gjithashtu është gjetur dhe sekuestruar edhe arma që dyshohet se është përdor për kryerjen e veprës”, përfundon njoftimi i Policisë së Kosovës./Telegrafi/
