Volodymyr Zelensky është takuar gjatë ditës së sotme me zyrtarë të mbrojtjes dhe inteligjencës si dhe me presidentin e Bankës Evropiane për Rindërtim dhe Zhvillim, i cili po viziton Kievin.
Në lidhje me takimin ushtarak, ai deklaroi se “ne po analizojmë vazhdimisht dhe me kujdes rrjedhën e luftës, zonat më të nxehta dhe të gjitha të rrezikshme”.
“Vija e parë është prioriteti numër një. Po përgatisim aktivisht brigada dhe njësi të reja që do të shfaqen në front. Çështja e ofrimit, trajnimit dhe integrimit të tyre në planin e përgjithshëm të mbrojtjes – ne shtojmë detaje thelbësore çdo herë gjatë mbledhjes së stafit”, pohoi presidenti ukrainas.
We all have to understand that the main task is de-occupation of our land & freeing our people from 🇷🇺 evil. Thanks to everyone who helps. Who creates jobs in 🇺🇦, pays taxes. Who keeps the world's focus on 🇺🇦. To all who organizes fundraising for our warriors and our recovery. pic.twitter.com/HedvfCOuPD
— Volodymyr Zelenskyy / Володимир Зеленський (@ZelenskyyUa) April 21, 2023
Në lidhje me bisedën me presidentin e BERZH-it, lideri ukrainas pohoi se “çdo investim tani, çdo punë e kursyer apo krijuar në Ukrainë, çdo projekt ekonomik i zbatuar është gjithashtu mbrojtje. Dhe kur bëhet fjalë për mbrojtjen, shpejtësia është vendimtare”, tha ai.
Kujtojmë se ukrainasit janë duke përgatitur një kundërofensivë të re ndaj forcave të armatosura ruse, e cila pritet të nis gjatë verës.
Ndryshe, norvegjezi gjatë ditës së djeshme në mënyrë të papritur ka shkuar në kryeqytetin ukrainas, Kievin, e cila ishte vizita e parë që nga fillimi i pushtimit rus në Ukrainë. /Telegrafi/