Presidenti ukrainas Volodymyr Zelensky po kthehet në Ukrainë së bashku me pesë komandantët e batalionit të Azovit të cilët ishin zënë rob nga Rusia, dhe pas lirimit ishin dërguar në Turqi.
Pesë komandantët kishin mbrojtur fabrikën e çelikut Azovstal të Mariupolit, në kohën kur qyteti ishte rrethuar, transmeton Telegrafi.
Fabrika e Azovstal ishte fortesa e vetme e Ukrainës në qytetin port, që përfundimisht ra në duart e Rusisë në maj të vitit 2022.
A historical moment: the return of the legendary defenders of #Mariupol to #Ukraine https://t.co/yccsTLEcJr pic.twitter.com/epGZwQoy57
— NEXTA (@nexta_tv) July 8, 2023
Zelensky tha se do të kthehet nga Turqia në Ukrainë me ushtarët ukrainas Denys Prokopenko, Svyatoslav Palamar, Serhiy Volynsky, Oleh Khomenko dhe Denys Shleha.
Ushtarët u liruan dhe u dërguan në Turqi në shtator të vitit 2022 dhe supozohej se do të qëndronin atje deri në përfundimin e luftës. /Telegrafi/