Presidenti ukrainas Volodymyr Zelensky postoi një video të premten duke thënë se ishte kthyer në Kiev pas vizitës së tij historike në Washington këtë javë.
“Unë jam në zyrën time. Ne po punojmë drejt fitores”, tha ai në videon e postuar në kanalin e tij në Telegram, transmeton Telegrafi.
Vizita në Washington ishte e para e presidentit ukrainas jashtë vendit të tij që kur Rusia nisi pushtimin e Ukrainës në shkurt.
“Ne po kthehemi nga Washingtoni me rezultate të mira. Me diçka që do të ndihmojë vërtet”, tha Zelensky në Telegram.
Administrata e presidentit amerikan Joe Biden, njoftoi 1.85 miliardë dollarë të tjera ndihmë ushtarake për Ukrainën, duke përfshirë një sistem të mbrojtjes raketore Patriot.
Pentagoni po shqyrton trajnimin e forcave të armatosura ukrainase për të operuar sistemin e mbrojtjes raketore Patriot në një bazë ushtarake në Shtetet e Bashkuara, sipas dy zyrtarëve të Departamentit të Mbrojtjes. /Telegrafi/