Presidenti ukrainas Volodymyr Zelensky ka njoftuar se në Poltava në pjesën qendrore të Ukrainës, dy raketa balistike ruse kanë vrarë 41 persona dhe kanë plagosur 180 tjerë.
Sulmin ka ndodhur në një spital dhe mbi një qendër edukimi – që po konsiderohet si një prej sulmeve më vdekjeprurëse të kryer nga Rusia që nga fillimi i pushtimit të Ukrainës në shkurt të vitit 2022, transmeton Telegrafi.
Sulmi ka ndodhur në mëngjesin e sotëm në qytetin e Poltava, rreth 70 milje nga kufirit me Rusinë dhe 200 milje në juglindje të Kievit.
Mjekët kanë arritur të shpëtojnë 25 persona dhe 11 tjerë të nxjerrin nga rrënojat, ka njoftuar ministria ukrainase e Mbrojtjes.
“Një nga ndërtesat e Institutit të Komunikimit është shkatërruar pjesërisht”, tha Zelensky në një video të postuar në platformën X.
“Shumë njerëz kanë mbetur nën rrënoja. Disa prej tyre janë shpëtuar. Të gjitha ekipet e nevojshme janë përfshirë në operacionin e kërkim-shpëtimit”, shtoi presidenti ukrainas.
Gjithashtu theksoi se ka urdhëruar “hetimin e plotë” të asaj që ka ndodhur në qytetin ukrainas. /Telegrafi/
