Presidenti ukrainas, Volodymyr Zelensky ka miratuar vendimin e Këshillit të Sigurisë Kombëtare dhe Mbrojtjes më 12 shkurt për vendosjen e sanksioneve ndaj biznesmenëve Ihor Kolomoisky dhe Kostyantyn Zhevago, si dhe ish-presidentit të Ukrainës, Petro Poroshenko.
Në një video-mesazh, Poroshenko nuk specifikoi se çfarë kufizimesh do t’i vendosen, por sanksionet mund të zbatohen mbi bazën e tradhtisë kombëtare.
“Këshilli i Sigurisë Kombëtare dhe Mbrojtjes sapo ka marrë një vendim jokushtetues dhe politikisht të motivuar për të vendosur sanksione kundër meje, Petro Poroshenkos, liderit të opozitës dhe ish-presidentit të pestë të Ukrainës”, thuhet në deklaratën e Poroshenkos.
Përveç ish-presidentit, në listën e sanksioneve janë përfshirë edhe disa biznesmenë të lidhur me autoritetet ruse, raporton kyivindependent.
Never has so happened before, but it’s happened again. After a visit to Washington and meetings with Trump’s team, today I was denied permission to travel to the Munich Security Conference. However, the traditional practice of banning Poroshenko from making visits abroad for… pic.twitter.com/qYYgosMTgv
— Петро Порошенко (@poroshenko) February 12, 2025
Biznesmeni Ihor Kolomoisky është i dyshuar për mashtrim dhe pastrim parash në vlerë prej 359,4 milionë dollarësh amerikanë.
Byroja Shtetërore e Hetimeve po ashtu po heton largimin e paligjshëm nga Ukraina të ish-bashkëpronarit të Privatbank, Hennadiy Boholyubov.
Sipas mediave ukrainase, Boholyubov u largua ilegalisht nga Ukraina në korrik të vitit të kaluar.
Përveç Boholyubovit, në listën e sanksioneve është edhe miliarderi Zhevago, i cili është i dyshuar për përvetësim të fondeve në disa banka ukrainase.
Ndryshe, Poroshenko shërbeu si president i Ukrainës nga viti 2014 deri në vitin 2019 përpara se të humbiste zgjedhjet ndaj Zelenskyt, duke shkaktuar një grindje afatgjate midis dy burrave. /Telegrafi/