Presidenti i Ukrainës, Volodymyr Zelensky thotë se pret “vendime të rëndësishme” në samitin e G7 të liderëve nga shtatë nga vendet më të pasura të botës për të ndihmuar vendin e tij të luftojë forcat pushtuese ruse.
“Një pjesë e madhe do t’i kushtohet Ukrainës, mbrojtjes sonë dhe qëndrueshmërisë ekonomike”, tha ai në një postim në Telegram, përcjell Telegrafi.
Shtëpia e Bardhë thotë se G7 ka bërë përparim të mirë në një plan të SHBA-së për të përdorur asetet e ngrira ruse për të mbledhur 50 miliardë dollarë në vit për Ukrainën.
Zelensky, i cili është në samitin në Pulia, në Italinë jugore, nënshkroi të enjten një marrëveshje sigurie me Japoninë. Një marrëveshje e ngjashme pritet me SHBA-në.
Vendet e G7 të Kanadasë, Francës, Gjermanisë, Italisë, Japonisë, Britanisë së Madhe dhe SHBA-së kanë qenë mbështetës të rëndësishëm financiarë dhe ushtarakë të Ukrainës që nga pushtimi i plotë i Rusisë në vitin 2022.
Asetet ruse që u ngrinë nga grupi, së bashku me BE-në, kur Moska pushtoi Ukrainën arrijnë në 325 miliardë dollarë. Shumica e aktiveve të Bankës Qendrore të Rusisë mbahen në Belgjikë. /Telegrafi/