Gjatë fjalimit të tij në Forumin Botëror Ekonomik të mbajtur në Davos të Zvicrës, presidenti ukrainas Volodymyr Zelensky ka shprehur dyshimet e tij nëse presidenti rus Vladimir Putin është akoma i gjallë, pas raportimeve të shumta se gjendja e tij shëndetësore është përkeqësuar.
Lideri ukrainas i ka bërë thirrje aleatëve perëndimor që t’i dërgojnë më shumë armë Ukrainës, para se Rusia të fillojë ofensivën e re, transmeton Telegrafi.
Ai foli edhe për çështjen sa i përket negociatave për paqe mes Ukrainës dhe Rusisë, rrëzimit të helikopterit në afërsi të Kievit ku humbën jetën 14 persona, përfshirë ministrin e Brendshëm.
Ukraina deri më tani nuk e ka akuzuar drejtpërdrejtë Rusinë për përfshirjen në rrëzimin e helikopterit, pavarësisht se Zelensky tha se “nuk ka aksidente në kohë lufte”.
E ajo çfarë bëri më së shumti bujë është deklarata e tij për presidentin rus Vladimir Putin.
“Tani nuk e di se me kë të flasë. Nuk jam i sigurtë nëse presidenti i Rusisë është akoma i gjallë. Nuk e kuptojë nëse është akoma i gjallë apo është ai që po merr vendime”, shtoi Zelensky. /Telegrafi/
