Zelensky dhe Lavrov në të njëjtën hapësirë për herë të parë që nga fillimi i luftës
Presidenti ukrainas Volodymyr Zelensky pritet të jetë në qendër të një takimi të Këshillit të Sigurimit sot në margjinat e Asamblesë së Përgjithshme të Kombeve të Bashkuara, ku ai mund të takohet me Ministrin e Jashtëm rus, Sergei Lavrov, për herë të parë që nga fillimi i pushtimit rus të Ukrainës.
Për sot është planifikuar edhe një takim mes Zelenskyt dhe kancelarit gjerman Olaf Scholz. Tema do të jetë kërkesa e Ukrainës për raketat Taurus, për të cilat Scholz deri më tani ka heshtur, transmeton Telegrafi.
Udhëtimi i parë i presidentit ukrainas në selinë e Kombeve të Bashkuara në Nju Jork që nga fillimi i luftës, u pa si një përpjekje për të fituar mbi vendet skeptike.
Gjithashtu Asambleja e Përgjithshme nis ditën e dytë të seancës të mërkurën, ku ndër të tjera është parashikuar edhe fjalimi i kryeministres italiane Giorgia Meloni.
Këtë të hënë, OKB-ja filloi një takim të nivelit të lartë kushtuar objektivave të zhvillimit të qëndrueshëm. Deri të martën, me një pushim të dielën dhe të hënën, më shumë se 140 krerë shtetesh dhe kryeministra folën në debatin e përgjithshëm.
Lufta e Rusisë kundër Ukrainës ka të ngjarë të luajë një rol të rëndësishëm në shumë fjalime. /Telegrafi/