Presidenti ukrainas Volodymyr Zelensky, ka deklaruar se ka zhvilluar një bisedë telefonike me presidentin amerikan Joe Biden lidhur me mbrojtjen kundërajrore, pasi Rusia sot kreu një sërë sulmesh ajrore mbi qytetet ukrainase, raporton Reuters.
“Kemi zhvilluar një bisedë produktive me presidentin amerikan. Tema kryesore ka qenë mbrojtja kundërajrore. Aktualisht është prioriteti numër sa i përket bashkëpunimit tonë në fushën e mbrojtjes”, ka shkruar Zelensky në profilin e tij, transmeton Telegrafi.
Në anën tjetër nga sulmet e sotme ajrore ruse mbi qytetet ukrainase, kanë humbur jetën 11 persona dhe mbi 60 tjerë janë plagosur. E pamjet e publikuara në rrjetet sociale, shfaqin tmerrin rus.
Ndërkaq presidenti rus Vladimir Putin sikur të mos ishte kënaqur me vrasjen e civilëve, ka vazhduar me kërcënime duke thënë se do të ketë sulme tjera më të fuqishme, nëse ukrainasit fillojnë ndonjë sulm të ri ndaj rusëve.
E nga kundërofensiva ukrainase, shumë njësi ushtarake të Moskës janë zmbrapsur në rajone të ndryshme të territorit të Ukrainës.
Madje ukrainasit po arrijnë të çlirojnë shumë qytete e fshatra, që deri vonë kontrolloheshin nga rusët dhe që tani janë nën kontrollin e Kievit. /Telegrafi/
Productive conversation with @POTUS. Air defense is currently the number 1 priority in our defense cooperation.
We also need US leadership with the G7's tough stance and with support for our UN GA resolution.— Volodymyr Zelenskyy / Володимир Зеленський (@ZelenskyyUa) October 10, 2022