Presidenti i Ukrainës, Volodymyr Zelensky, bëri një vizitë historike në Mbretërinë e Bashkuar të mërkurën – dhe befasoi një bashkatdhetare me një përqafim gjatë një momenti të improvizuar gjatë një konference për shtyp.
Udhëtimi i Zelenskyt u njoftua vetëm të mërkurën në mëngjes, ndërsa ai kërkon mbështetje për rezistencën e Ukrainës pas agresionit të Rusisë i cili filloi shkurtin e kaluar.
Dhe sipas mediave të huaja, përcjell Telegrafi, gjatë një konference për shtyp në Dorset, një gazetare ukrainase e BBC-së u ngrit në këmbë dhe pyetjes së saj i parapriu duke thënë se do të donte ta përqafonte Zelenskyn, por ndoshta nuk do të lejohej.
“Pse jo?”, u përgjigj Zelensky, përpara se të lironte foltoren e tij dhe të ofronte një përqafim të ngrohtë.
BBC Ukraine journo just got a hug!!! She said she really wanted one from Zelensky but she's not allowed to ask so he came over and gave her one. pic.twitter.com/T86dSMCLKo
— Latika M Bourke (@latikambourke) February 8, 2023
Rishi Sunak, kryeministri britanik, mund të shihej në sfond duke buzëqeshur dhe duartrokitur.
"I would like to come and hug you, but I can't" – @BBC_ua journalist told @ZelenskyyUa
Turns out, she can hug him! pic.twitter.com/4kMCMGSqMO
— Anton Gerashchenko (@Gerashchenko_en) February 8, 2023
Gazetarë të tjerë e përshkruan momentin si “prekës” teksa e regjistruan gjithashtu momentin me telefonat e tyre.
Zelensky ndodhet në Mbretërinë e Bashkuar ndër tjerash edhe për të kërkuar nga ky vend që të furnizojë Ukrainën me aeroplanë luftarakë për përpjekjet e luftës ndaj Rusisë, diçka që aleatët perëndimorë kanë refuzuar deri më tani.
Ai mbajti një fjalim para ligjvënësve në Westminster Hall, gjatë të cilit i dhuroi Sir Lindsay Hoyle, Kryetarit të Dhomës së Komunave, një përkrenare nga një pilot luftarak ukrainas, me mesazhin: “Ne kemi lirinë. Na jepni krahë për ta mbrojtur atë”. /Telegrafi/