Tashmë është konfirmuar zyrtarisht se Anthony Joshua dhe Tyson Fury do të kenë dy përballje në vitin e ardhshëm për të përcaktuar kampionin e unifikuar në peshat e rënda në boks.
Por, fillimisht The Gypsy King duhet të fitojë trilogjinë ndaj Deontay Wilderit dhe në anën tjetër AJ duhet të fitojë ndaj sfiduesit Kubrat Pulevin.
Fury do të përballet me Bronze Bomberin në fund të këtij viti, derisa të njëjtën gjë do të bëjë edhe Joshua me Pulevin.
Sipas asaj që raporton Daily Star, nga përballja e dyfishtë mes Joshuas dhe Furyt, do të jenë përfitime të majme.
Boksierët britanikë mund të fitojnë deri në 155 milionë euro nga të dy meçet, mirëpo ende nuk është zbuluar se çfarë kushte ka në marrëveshje.
Ende nuk dihet se nëse njeri prej tyre humbë në përballjet që kanë fillimisht, do të zhvillohet në vitin tjetër pastaj meçi i shumëpritur.
Por, mediat në Angli raportojnë se shuma mes tyre do të ndahen në 50 për qind dhe fitimet do të jenë të barabarta. /Telegrafi/