Juventusi thuhet se do të ketë një buxhet transferimesh prej 60 milionë eurosh në dispozicion verën e ardhshme, por shuma mund të rritet me shitjet dhe kualifikimin e mundshëm në Kupën e Botës për Klube të vitit 2025.
Shpresat e Juventusit për titull janë ende të gjalla, por bardhezinjtë po përgatiten gjithashtu për sezonin e ardhshëm.
Sipas Il Corriere dello Sport, gjigantët e Serie A do të kenë 60 milionë euro në dispozicion për nënshkrimet e reja në afatin kalimtar të verës.
Buxheti i bardhezinjve do të rritet nga rikthimi i parashikueshëm në Ligën e Kampionëve, por sipas raportit, shuma e disponueshme mund të rritet edhe me shitjet dhe kualifikimin e mundshëm në Kupën e Botës për Klube në 2025.
According to Il Corriere dello Sport, Juventus will have a €60m transfer budget available next summer, but the sum can be raised with sales and the possible qualification to the 2025 Club World Cup. https://t.co/6Nx2fdYMCp #Juve #Juventus #Calcio #SerieA #Transfers
— Football Italia (@footballitalia) February 8, 2024
Il Corriere dello Sport konfirmon se prioriteti i Zonjës së Vjetër do të jetë një mesfushor i ri qendror me yllin e Atalantas, Teun Koopmeiners, në krye të listës së dëshirave të tyre.
Sipas raportit, Juventusi ka planifikuar tashmë shitjen e Matias Soule gjatë verës dhe do të dëgjojë ofertat për lojtarë të tjerë që aktualisht janë në huazim, si Arthur Melo, Enzo Barrenechea dhe Kaio Jorge.
Lojtarët me një kontratë që skadon në qershor 2025, duke përfshirë Federico Chiesa, Moise Kean, Danilo dhe Ëojciech Szczesny gjithashtu mund të largohen nëse nuk nënshkruajnë një zgjatje të kontratës në muajt e ardhshëm. /Telegrafi/