Vazhdon të mbetet një nga emrat më të përfolur në mediat vendore, pavarësisht që hoqi dorë nga muzika.
Zaimina Vasjari vitin e kaluar u bë nënë për herë të parë, duke sjellë në jetë një vajzë të cilën e pagëzoi me emrin Khloe.
Sot (e enjte), bashkëshorti i saj, Klodiani feston ditëlindjen e 42-të. Me këtë rast, Zaimina ka vendosur t’ia bëjë një dedikim romantik bashkëshortit për ditëlindje në rrjetin social Instagram.
Ajo ka ndarë me ndjekësit një fotografi në ambientet e shtëpisë së saj luksoze, ku shfaqet me bikini dhe është duke festuar me bashkëshortin e saj.
“Të dua deri në hënë dhe prapa”, shkruan ajo në njërin prej imazheve, derisa në tjetrin: “Urime ditëlindjen dashuria ime”.
Këngëtarja së fundmi u fokusua në biznes dhe në një nga paraqitjet e fundit të saj në media, ka thënë se muzikën e kishte vetëm si pasion kur ishte e re. /Telegrafi/